Blog友又問左我一個問題, 於是醫師又可以演嘢
。。。。。Kelsey 問。。。。。
。。。。。Kelsey 問。。。。。
Tommy醫師,
想請教你, 好朋友依家係外國生活, 已懷孕5個月,
適合買咩藥比佢安胎, 定是沒甚麼特別, 都不主張吃中藥??
下個月我會去探佢, 都唔知道有咩可以幫佢買~
你知道關於坐月的事嗎, 有咩可以幫佢買??
希望你可以解答下我, thanks!
。。。。。。。。。。。。。。
想請教你, 好朋友依家係外國生活, 已懷孕5個月,
適合買咩藥比佢安胎, 定是沒甚麼特別, 都不主張吃中藥??
下個月我會去探佢, 都唔知道有咩可以幫佢買~
你知道關於坐月的事嗎, 有咩可以幫佢買??
希望你可以解答下我, thanks!
。。。。。。。。。。。。。。
放心啦, 醫師會把握演嘢機會, 一定會答你
不過呢個問題, 其實比較難答。因為醫師未見過你朋友，所以無得望下，聞下，問下，同切下。
問：適合買咩藥比佢安胎, 定是沒甚麼特別, 都不主張吃中藥??
中藥安胎，如果本身個胎都好好，確實無特別需要去強迫媽媽佢食中藥。一切可以順其自然。安啦！
不過，在香港可能因為生活節奏或者工作關係，需要安胎的媽媽就比較多。始終工作時間長同埋香港人本身的體質也比較弱。當然沒事的也不會來找我。外國的媽媽是否特別強？我就不得而知了。如果可以的話，可以再問問你朋友有沒有具體的症狀，再針對性地調理。
懷孕比較常見既情況有
情況1:妊娠嘔吐
中醫叫做妊娠惡阻，唔係話你個老婆大咗肚之後會惡咗，而係佢經常會嘔。通常出現在懷孕頭三個月。
點先算惡阻？就係經常惡心嘔吐（作嘔作悶），頭暈，無胃口，唔想食，或一食即嘔。
懷孕早期要特別小心，因為胚胎正在發育，很易受藥物影響。所以不要亂食藥，有問題要立刻請教專業人士。
一般的處理方法是和胃止嘔。 如果出現疲倦，頭暈，納差等脾胃虛弱的情況，通常可以用白朮、生薑、蘇梗、陳皮等中藥。如果夾熱，可以加一些清熱的中藥例如黃芩。
曾診治一個妊娠惡阻的準媽媽，初初來求診時感冒又咳加經常嘔吐，同無胃口又無大便，幾個星期乜都唔想食。睇左我兩個星期，感冒好了，咳好了。胃口好到就連佢老公都覺得好神奇，因為阿太太成日要去食牛排。
紫蘇梗茶
紫蘇梗3錢、生薑3片、 紅棗10枚
材料沖洗乾淨，用3碗水煮沸後，平時當茶飲用。
適合懷孕初期出現嘔吐或胃口不佳的時候飲用。懷孕期間出現腹脹、腹痛、無胃口時都適宜飲用。
情況2:胎動不安胎動不安，剩係聽個名都知要安胎。
意思係指懷孕後突然腰痛，繼而陰道出血，就屬於中醫的胎動不安，一般人叫做「作小產」。
「作小產」中醫的治療效果有一定優勢。一般會用到補腎安胎的中藥：例如續斷、菟絲子、阿膠、杜仲、桑寄生等中藥。
桑寄生杜仲茶
桑寄生五錢、蜜棗2兩枚、用三碗水，煮沸後停火，平時當茶飲用。
懷孕任何時間都適宜飲用，可以強壯身體，預防腰痛和控制血壓。
黃耆杜仲雞湯
黃耆三錢、杜仲五錢、龍眼肉五錢、加糯米一湯匙，煮雞湯。
懷孕任何時間都適宜飲用，可以強壯身體，預防腰痛，促進胎兒發育。
西醫對於作小產這個情況，通常都建議孕婦臥床休息，有咁耐訓咁耐，唔好落地。我地都會建議臥床休息，不要和地心吸力對抗。加上中藥調治，治療效果都很好。
所以一遇到這樣情況，應盡早找中醫求診，千其唔好諗住睇定Ｄ。
妊娠期間應保持營養均衡，記得要食新鮮的食物，避免進食生冷食物例如魚生，刺身（多細菌）。
對於中藥，活血或有瀉下作用的中藥亦要慎用，例如當歸、川芎、田七、丹參、牛膝、綠豆、薏苡仁（即苡米）等。
問：你知道關於坐月的事嗎，有咩可以幫佢買??
答：我知道。下次答你。
