君子病無能焉,不病人之不己知也。

2015年12月30日 星期三

冬季保健湯水:蟲草花黑豆烏雞湯

昨日收到堂妹的電話,原來佢下星期會搞個關心長者的活動,會煲個湯俾參加者飲。想我幫手寫個保健湯水。咁有意義的活動當然無問題,既然準備左不如放上黎俾大家參考下。



蟲草花黑豆烏雞湯 (4-5人份量)

材料: 蟲冬花40克,黑豆 60克,杜仲10克,竹絲雞1隻,紅棗6粒,枸杞子15克,生薑 10克,鹽適量。

製法:黑豆早一晚浸泡洗淨備用;竹絲雞洗淨切半,汆水;餘下材料洗淨,將全部洗淨材料放入煲內加水適量,大火煲滾後轉慢火,煲3小時,加鹽調味,即可飲用。

功效:補腎益氣。

大家如果跟住整,不如影張相post上黎分享下啦。

祝大家新年快樂,身體健康

2015年12月28日 星期一

讀者回應

睇返又發現左原來有回應

Blog Post: 按此
原link: 30-8-2015 蘋果日報:常捱夜濕熱致記憶差易倦 轉季潤燥 減亞健康困擾


首先多謝SUPER MUM的支持!

回應1:講嚟講去, 不離三碗水㷛埋一碗水!



答:你都講得啱,好多時大家都覺得中醫師都係講埋曬D湯水,幾多碗煲埋一碗,食左乜乜乜。中醫師講左D中醫理論,大家又記唔到入腦,剩係記得湯水,講得詳細少少,無人聽得明又變左係廢話。於是乎中醫師就等如煲湯喇。

講嚟講去, 不離三碗水㷛埋一碗水!

人生既野,講嚟講去, 不離生老病死,食疴訓。

29-12-2015 蘋果日報訪問:冬日久咳分寒與熱 咪亂跟網上偏方

今日出左篇講咳的訪問。附湯水兩款

訪問連結:


寒冷天氣易患感冒,但很多時鼻水、喉嚨痛等已好轉,唯獨咳嗽久久未癒。中醫着重發散驅邪,過早使用鎮咳方法如服用咳水,反會令邪氣困在體內,較難痊癒。另病人若有臟腑失調,再外感「中招」,亦會「手尾」較長。咳嗽要分寒咳與熱咳,亦有較複雜的外寒內熱咳,盲目跟隨網上止咳偏方,如焗洋蔥水、燉橙等,隨時令咳嗽加重。

關於頭風,你要知道的事(下)

原來有人會回應篇訪問,不如又係度答下。
回應1:戇鳩無下限,啲中醫唔游水定係游水果陣個撚個都用密實袋封撚實個頭(連口鼻一齊封埋最好!)??
答:唔洗咁激動既。老老實實,其實戇鳩呢家野真係無分上限下限同極限ga。不過醫師都會間中游下水,但係又唔洗用到密實袋封撚實個頭喎。其實我都係想叫大家唔好濕住個頭訓覺,因為個頭濕住,冬天天氣又凍,夏天又可能會開冷氣,係會好易凍親架。濕唔濕個頭同濕左吹唔吹頭都係兩回事喎。

回應2:我每日正常都洗頭2次又唔會吹頭都冇頭痛過喎=.=


答:咁樣證明你氣血都仲係充足,唔係咁易受風邪侵襲,係好事黎。不過呢,有時D野一時無事又唔代表係好既。好似食煙咁,唔會食一枝就肺癌ga,不過風險會高d咁解。

有些情況,例如好少運動的人,由於身體陽氣不足,佢一出戶外跑步,出完汗,會好易冷親;或者會跑跑下已經覺得頭痛。呢D表現就係受到風邪吹襲,咁係唔係唔運動呢? 又唔係喎。

2015年12月27日 星期日

關於頭風,你要知道的事(上)

近排做了幾個訪問,一直做訪問前我都會準備好資料,當温習一下也好。

原來都有數個月沒有update這裏,今次不妨就整理下放在這裏給大家參考。

同道指點指點也好。

以上是訪問的連結:

洗濕個頭趕出街 小心「招惹」頭風







經常頭痛到頭重重、頭脹,可能是頭風作怪。註冊中醫師盧肇聯表示,都市人長期出現反覆性頭痛,尤其兩個月或以上,或是受頭風困擾。經常捱夜、工作壓力大、嗜吃壽司、凍飲等生冷食物,或洗頭後「懶吹頭」受寒,都可引起不同類型的頭風。坊間一些預防頭痛食療如「天麻川芎白芷魚頭湯」雖有袪風作用,但臨床上仍要按個人狀況,包括針對不同頭風對症下藥,如同時要補腎、清肝熱或化痰等,出現症狀最好及早求診。

記者:梁麗兒

【腎虛型頭風】

腎虛型頭風在冬天十分常見,經常捱夜、體力透支、先天腎虛或房事太多的人,都有機會受腎虛型頭風困擾。患者會在疲倦時,尤其