。
回blog友Kelsey，你想買補品俾朋友（最簡單可買點田七、阿膠、艾葉、北蓍等），可參考下面的內容。希望幫到你。
上一回簡單講過中醫安胎的方法之後，今次可以講埋產後調補 (坐月)
講產後問題要先認識一個名詞：惡露
惡露是指產後的陰道出血。通常惡露一般會一至兩周內停止。
如果惡露持續三個星期或以上，中醫學上稱為惡露不絕，屬於產科病范圍。
從觀察惡露的量、色、質、氣味，大概可以分辨身體的狀況：
氣血虛：血量多、色淡、質稀、無臭味
瘀熱：惡露色深紅、黏稠、有臭味、或有血塊（可能發生感染，如果有疑問請盡早求診）
答：其實產後一般無需等到惡露乾淨才進補。
進補的方法，可以分兩個類型：
第一類
當見到媽媽出現虛象，例如氣血虛，就如精神疲憊、面色蒼白、手腳冰冷、惡露顏色淡、乳汁不足等。
第二類
沒有虛象出現。由於生產過程中媽媽用了很多氣力，而且生ＢＢ也消耗身體大量資源。雖然沒有明顯虛的表現，但仍可以多進食活血補血的補品。不但可以促進身體復元，也可以增加乳汁。例如紅棗薑茶、田七雞湯、木耳雞煲等。
。。。。。。。。。。。。。。。。。。
如果是順產的媽媽，若惡露不絕，簡單可煮些田七雞湯。
田七雞湯
田七三錢、淮山三錢、桂圓十粒、杞子三錢、紅棗十枚、陳皮一角、雞髀一隻
先把雞髀放入沸水中煮兩分鐘, 再把雞髀連同其他材料放入燉盅內，加入熱水三碗, 隔水炖3小時。
若是手術剖腹產者，可燉服阿膠。阿膠有養血，同時又有補血的功效。
阿膠桂圓茶
阿膠粉二錢, 桂圓肉六粒
加入熱水, 隔水燉溶膠, 即可飲用。
產後食療
產後第1至2周
木耳雞酒
木耳五錢、去核紅棗十粒、薑三片、雞一隻、黃酒一碗
雞切件, 加適量鹽醃; 燒熱少許油, 爆香薑片, 加入雞件, 略炒, 再加木耳絲和紅棗拌勻, 加半碗水, 略煮, 再加酒, 再煮兩分鐘即可。
艾葉當歸紅棗湯加味
艾葉三錢、當歸三錢、川芎三錢、白芍三錢、熟地五錢、紅棗六枚、生薑三片
以上材料加入四碗水，大火煮沸後，轉文火煮45分鐘。
雞血藤五指毛桃湯
雞血藤八錢、五指毛桃一兩半、茯苓五錢、白朮五錢、紅棗六枚、雞半隻至一隻
水煮沸、把材料放入湯鍋內，煮一至二小時。
。。。。。。。。。。。。。。。。。。
產後第3至4周
人參雞湯
吉林參三錢、淮山三錢、桂圓肉六粒、紅棗三粒、雞髀一隻
先把雞髀放入沸水中煮兩分鐘, 再把雞髀連同其他材料放入燉盅內，加入熱水三碗, 隔水炖4小時。
黃耆陳皮鴨湯
黃耆五錢、茯苓五錢、陳皮兩片、淮山五片、紅棗六粒、杞子三錢、鴨一隻
水煮沸、把材料放入湯鍋內，煮一至二小時。
人參鹿茸湯
人參三錢、鹿茸片二錢、桂圓六粒、紅棗三粒、雞髀一隻
先把雞髀放入沸水中煮兩分鐘, 再把雞髀連同其他材料放入燉盅內，加入熱水三碗, 隔水炖4小時。
熟地巴戟湯
熟地八錢、巴戟三錢、春砂仁三粒、陳皮兩片、淮山三片、紅棗六粒、杞子三錢、瘦肉
水煮沸、把材料放入湯鍋內，煮一至二小時。
杜仲黃精雞湯
杜仲三錢、黃精五錢、陳皮一片、黨參五錢、紅棗六枚、雞一隻
水煮沸、把材料放入湯鍋內，煮一至二小時。
。。。。。。。。。。。。。。。。。。
參考網址: http://www.harmonious-remedy.com/G&O.htm
適合懷孕初期出現嘔吐或胃口不佳的時候飲用。懷孕期間出現腹脹、腹痛、無胃口時都適宜飲用。
情況2:胎動不安黃耆三錢、杜仲五錢、龍眼肉五錢、加糯米一湯匙，煮雞湯。
懷孕任何時間都適宜飲用，可以強壯身體，預防腰痛，促進胎兒發育。
西醫對於作小產這個情況，通常都建議孕婦臥床休息，有咁耐訓咁耐，唔好落地。我地都會建議臥床休息，不要和地心吸力對抗。加上中藥調治，治療效果都很好。
所以一遇到這樣情況，應盡早找中醫求診，千其唔好諗住睇定Ｄ。
妊娠期間應保持營養均衡，記得要食新鮮的食物，避免進食生冷食物例如魚生，刺身（多細菌）。
對於中藥，活血或有瀉下作用的中藥亦要慎用，例如當歸、川芎、田七、丹參、牛膝、綠豆、薏苡仁（即苡米）等。
問：你知道關於坐月的事嗎，有咩可以幫佢買??
答：我知道。下次答你。
1.
穀芽麥芽茶
材料︰山楂10克、穀芽15克、麥芽15克、冰糖適量
做法︰把所有材料置於煲內，加3碗水煲30分鐘，即可飲用。
功效︰此茶具幫助消化、開胃的作用，對消化不良或吃滯所引致胃痛者尤為適合。
2.
花旗參玫瑰茶
材料︰玫瑰花5克、青皮3克、花旗參10克
做法︰把所有材料置於保溫杯內，注入熱水焗15分鐘，待暖後便可飲用。
功效︰此茶能疏肝理氣、散結止痛，對食慾不振、因工作過勞或情緒引致肝氣犯胃型的胃痛者尤為合用。
3.
胡椒豬肚湯
材料︰白胡椒2湯匙、豬肚1個、排骨適量、酸菜半棵
做法︰先以鹽擦洗豬肚，然後放入滾水內出水。把白胡椒放進洗淨的豬肚內，再加入其他材料，煲兩小時便何飲用。
功效︰此湯能暖胃軀寒，適合脾胃虛寒體質的人飲用。
土伏苓袪濕湯
我想請教醫師;
我依家脷苔一向都好厚, 又有齒印..經常失眠..又周身骨痛,
其實已有找中醫調理身體, 但好似情況都沒有改善, 近排仲經常口乾,
有白痰...牙肉內側腫痛....而經期時頭2天特別痛....想知我究竟係咩體質, 除了飲中藥外,
有甚麼食療可以幫我改善白痰及白厚脷苔??
非常感謝!!
脷苔，我地會叫舌苔，某程度可以反映身體內在的情況。
跟據中醫診斷的方法，舌苔厚，多數會係實邪：
可能係積滯、可能係濕濁
但導致這種實邪，可能跟本原因是虛（講到呢度，大家已經肯定醫師係玩野）
。。。。。。。。。
虛，可能係腸胃（脾）功能差左，消化差左，咁就會積滯。
因為脾有平均分佈身體內水份的功能，所以如果分佈不均，貧富懸殊，就會出現症狀。
例如多左水：白痰（水唔行聚埋一舊）；少左水：口乾（水唔上個口）。
如果係實症，可能就係食得太多超過腸胃負荷，或者外來的濕氣太勁引起。
。。。。。。。。。
針對返症狀分析
舌苔一向都好厚－＞濕
齒印－＞脾氣虛＋濕
失眠－＞沒有足夠資料，但氣虛也可以失眠，如果心氣虛，會有容易俾嚇親的情況
周身骨痛－＞ 濕也會引起骨痛，通常都會手腳重
口乾－＞ 津不上承，水上唔到個口，氣虛或濕阻
有白痰－＞濕聚成痰
牙肉內側腫痛－＞唔夠資料分析
經期時頭2天特別痛－＞由於月經本身的生理比較複雜（可以寫一本書），經期頭痛多數係身體的氣血行得唔好而出現，暫時好難解釋
粗略咁講：你體質係氣虛＋濕重
跟據呢個推論，氣虛個人會易倦，怕冷，易出汗或無汗，唔夠氣，面色白等等
濕，唔計你上面講左個啲，重會有水腫，大便粘（疴唔淨的感覺）腹脹，白帶多等等
未必會有齊，但睇下我講中幾多個。
至於食療，氣虛就要補氣，有濕就要袪濕
詳細有乜，請等我下回分解。
。。。。。。。。。
醫師交雜誌稿時間又到，俾多幾日我啦
本身春天到都想寫下食療，不如寫左大家跟住煮，幫我影Ｄ相又俾Ｄ意見啦
。。。。。。。。。
