冬季保健湯水：蟲草花黑豆烏雞湯

昨日收到堂妹的電話，原來佢下星期會搞個關心長者的活動，會煲個湯俾參加者飲。想我幫手寫個保健湯水。咁有意義的活動當然無問題，既然準備左不如放上黎俾大家參考下。

蟲草花黑豆烏雞湯 (4-5人份量)

材料： 蟲冬花40克，黑豆 60克，杜仲10克，竹絲雞1隻，紅棗6粒，枸杞子15克，生薑 10克，鹽適量。

製法：黑豆早一晚浸泡洗淨備用；竹絲雞洗淨切半，汆水；餘下材料洗淨，將全部洗淨材料放入煲內加水適量，大火煲滾後轉慢火，煲3小時，加鹽調味，即可飲用。

功效：補腎益氣。

大家如果跟住整，不如影張相post上黎分享下啦。

祝大家新年快樂，身體健康