受到肥媽的啓發，我都終於嘗試去留返D西瓜皮黎煲下湯水。
西瓜皮又叫西瓜翠衣，有清暑解熱，止渴，利小便的功效。可以治療暑熱煩渴，小便短少，水腫，口舌生瘡等症。
而我今次用的是鮮西瓜皮，因為兩口子的關係，我只是買了西瓜仔，還要分兩天才吃得完。
其實煮法好簡單
材料:
西瓜皮
蜜棗 兩粒
胎菊 約5克
冰糖 適量
做法: 洗乾淨西瓜皮，放入煲內加水煮滾，加入蜜棗煮半小時，再加入菊花和冰糖煮多五分鐘，就可以飲用。
由於我是用真空煲的關係，所以我是將材料煮滾後就放入保温煲內，然後去了跑步約1小時，回來再加入冰糖後就有得飲了。
當然雪凍左仲好飲啦!!
可能西瓜太細個，煲出來沒有太大的西瓜味，不過也夠解渴的。
大家快D試下啦
《温熱經緯》這部書內的清暑益氣湯內，都有用西瓜翠衣入藥。
)
