近日天氣又濕又熱, 大家可以煲這個湯水一家人飲用。
由於醫師又要講講座,機構安排了這個湯包送給參加者,咁我又推介下大家煲黎飲下。個湯包佢地買現成, 個名唔係我改,其實叫袪濕消暑冬瓜湯會好D。
功效:
袪濕利水, 清熱解暑
材枓:
扁豆 60克 生薏仁 30克 蓮子30克 百合 30克 茯神 60克 冬瓜 1-2斤 豬肉/豬腱/雞 適量
做法:
冬瓜洗淨, 連皮切件。其他材料洗淨備用,豬肉汆水切件。所有材料一同入煲,加水3公升煲約2小時,加鹽調味即可。
成份解說:
扁豆:味甘,性微温。能健脾除濕。
生薏仁: 健脾,補肺,清熱,滲濕
蓮子: 補脾止瀉,止白帶,益腎澀精,養心安神。
百合: 養陰潤肺,清心安神。
茯神: 寧心,安神,利水
冬瓜: 清熱、利水、消腫
豬肉: 補腎養血, 滋陰潤燥
隨症加減
出汗多傷氣, 易疲倦: 可加花旗參, 麥冬或石斛
脾虛濕盛, 手重腳重, 水腫較明顯,可加黨參、加重茯神
濕重但正氣不虛, 可加澤瀉、燈芯草、淡竹葉
濕熱: 可加赤小豆
其實之前我都寫過一個類似的湯,大家可以參考下。
石斛太子參冬瓜湯
沒有留言:
張貼留言