讀者解讀：袪濕湯水兩款

上一回跟據讀者提供的資料作了一個不全面（望聞問切只做了問診）的體質分析，大概得出了脾虛濕盛的結論，亦因為我應承左大家寫幾個湯水，所以今日係兌現承諾的時候。

不過，我成日都話，其實醫師講乜湯水唔重要，最重要係你識唔識揀黎飲。所以我一直既方向係先講清楚病因，再去介紹湯水。

其次，天下文章一大抄，天下既湯水食譜都係一樣，撈來撈去。與其花精神時間去自創一個湯水，倒不如來一個二次創作。
以下是我隨意在網上找了兩個湯水的食譜。

。。。。。以下內容係Ctrl + C同Ctrl + V返黎。。。。。
土伏苓袪濕湯

功效：去骨火, 去濕,
清熱毒
材料：土伏苓(一斤), 粉葛(一斤), 赤小豆(二兩), 白扁豆(二兩), 果皮(1個),
水(15碗)
做法：土伏苓去皮切段, 粉葛去皮切塊, 將材料放入煲內, 水滾轉慢火煲3小時即可

。。。。。以下係醫師講。。。。。

土茯苓：解毒除濕，通利關節。
上面用到一斤，是用新鮮土茯苓（一舊舊，街市可買到但不是經常有）。也可以用乾的土茯苓片，用二兩可以了。醫濕引起的皮膚病確係好

粉葛：解肌退熱，透發麻疹，生津止渴，升陽止瀉
以上葛根的作用是從中藥書抄出來，葛根和粉葛的作用大致相同，不過粉葛的作用就弱好多。現時處方葛根其實也會給了粉葛。粉葛治療濕引起的骨痛效果都不錯。坊間＂去骨火＂就是用粉葛。

赤小豆：清熱利濕。一般小便黃，尿道炎屬濕熱症都可以用。利小便可以令濕熱從小便而去。

白扁豆：健脾，化濕，消暑
白扁豆在袪濕湯水食譜中很常見。它袪濕的作用是以健脾來袪濕。
即是先整好身體入面的抽濕機來令身體內的濕減少。

果皮：即是陳皮：理氣健脾，燥濕化痰
袪濕，要健脾，也要行氣。因為要幫助水濕的運行。

如果加舊瘦肉或者豬骨會好飲好多。

全個食譜，偏清濕熱多Ｄ，所以脾虛濕盛的人可以減少赤小豆，加多些白扁豆，甚至加兩條黨參也可。

。。。。。以下內容係Ctrl + C同Ctrl + V返黎。。。。。

http://hk.knowledge.yahoo.com/question/question?qid=7007032703410

1.冬瓜半斤

2.鮮蓮葉 1片

3.乾蓮葉 5錢 (15克)

4.赤小豆 1兩 (30克)

5.白扁豆 1兩 (30克)

6.生熟薏米 1兩 (30克)

煲2小時，可供3、4人飲用。

。。。。。以下係醫師講。。。。。

第二個湯水比較平和，適合脾虛+濕盛但無熱既朋友飲用。唔要冬瓜同蓮葉，掟條鰂魚落，又係第二個湯囉。

。。。。。。。。。。。。。。。。

講住咁多先。

大家呢幾日煲黎飲下啦，記得幫我影返幾張相。
有圖我又唔介意送兩包湯料俾大家飲下。哈哈

大家覺得呢類二次創作又點呢？