經過十年,還有好多病人會在針灸時閒談起關於讀中醫的問題。
很多人都唔知讀中醫要讀幾多年,邊間大學有得讀,同西醫課程有幾唔同等等嘅問題。
係香港,現時有三間大學提供中醫課程,浸會大學,中文大學和香港大學。
以我就讀的中大為例,一個中醫學士學位,當時是五年的課程。三三四新學制以後,就變成了六年。
第一年和第二年,主要都是學習中醫的基礎課程和西醫基礎課。中醫的有中醫基礎理論,中醫診斷學,中醫文化等等
而西醫課程就是解剖學,生理學,還有生物化學,就是我上一篇講的biochemistry.
而第二年,中醫課就有中藥學,方劑學,經穴學等。如果你覺得啲中醫師寫處方一味一味中藥寫出來好型的話,我大概就係year2嘅時候型起來。
而西醫學方面,就是西醫診斷學。亦是我最不滿意的一科。因為我不喜歡課程的安排。
到第三年,所有中醫的臨床科目都在第三年開始。內科,外科,婦科,兒科,骨傷科,針灸科都是在這一年讀完。
同時也有一些經典的科目,如黃帝內經,傷寒論等,都是在year3和year4上半年開始。
由year4下半年到畢業,都是實習。先到內地的深圳市中醫院實習接近一年,基本上每一個科都要見識見識,一次輪迴就九個月。
而第二期的實習分兩部分,可選擇在香港的不同中醫診所學習,或者到廣州,又或者留在深圳。而我選擇了在先在香港實習三個月,再到廣州三個月專門留在針灸科學習。
經過所有的實習,通過所有的考核,你以為就可以做醫師了嗎?如果你這樣想,就未免太少看我們了。
做晒以上所有嘢,極其量都只是有一個大學的中醫學位的畢業證書一張,亦代表你有資格報名參加中醫藥管理委員會的執業註冊試。
這個註冊試,對大部分中醫學生來說都是折磨。因為我們背負的,不是一張執業證書的壓力,而是五年的光陰,和家人期望和二十幾萬學費。
還有就是不合格之後等下一年註冊試的機會成本。
當年,我係温書,食飯,温書,食飯,運動,温書,食飯,訓覺。中間還有加插著肚疴的環節。因為太大壓力了。
持續了幾個月,考完筆試,又要等多個零兩個月才能考口試。
結果,我成為了一個註冊中醫。
恭喜你呀! 中醫學博大精心,很值得研習。恭喜你的努力得以肯定,加油!
回覆刪除[版主回覆03/22/2013 19:34:51]多謝Kanis
嘩!真係辛苦哂所有中醫師!!!!
回覆刪除[版主回覆03/25/2013 19:09:03]攞到牌只係一個開始。
好年輕的中醫師呀!勁! 但係其實執業上有冇困難?因為D人通常覺得年紀大D既人有經驗D@@
回覆刪除[版主回覆03/27/2013 12:00:15]總之, 人地信唔信我控制唔到, 我只能盡力醫好佢地. 得唔得唔係我講, 讓療效來證明吧
[版主回覆03/27/2013 11:58:43]實有困難啦. 不過每一個困難, 代表每一個挑戰.
唔試過d未做過既事, 又點知自己做唔到呢?
年紀大d係有經驗, 經驗同醫唔醫得好病又唔係有一定直接既關係.
又勁又有經驗又有品既醫師係值得尊敬, 但也不代表年輕的完全唔得MA
現在修讀中醫的話,將來畢業後會不會找不到工作或是收入很低?
回覆刪除[斯圖洛特回覆07/20/2013 19:02:08]thx~
[版主回覆07/18/2013 18:45:05]更正: 起薪點
[版主回覆07/18/2013 18:38:45]講真, 2019年先畢業,到時香港變成點都未知。讀自己鍾意既野啦
[版主回覆07/18/2013 18:37:27]你咁問得, 我估你係DSE既同學仔,人生仲有慢慢長路,你唔介意我又就到時間的話,可以來找我,如果能幫你找到路向,將來或者會有好多人得到你的祝福。
[版主回覆07/18/2013 18:35:25]不過,呢行係講緊人命,責任好大,所以唔係只考慮揾唔揾到工同幾錢人工,你同病人相處過你就明白。一個人病,成家人都會有壓力。你自問有無咁樣既心?
有的話,你就要諗你有無興趣讀中醫。兩樣都有的話,就揀啦。
無都唔緊要,只是說明你不適合呢條路,我都有個師兄讀完中醫degree去左個飛機師。
[版主回覆07/18/2013 18:30:38]希望沒有太遲回覆你
現在讀中醫的話,肯定不會找不到工作。有人的地方,就會有人病,就要有醫生。
其實每一行都有狀元,每一行都有乞衣,都只是視乎你的態度。不過要講錢的話,中醫未必啱你。初初起步的人工不要期望太高,但你要記得,這一行只會越老越揾得多,而且中醫師真的沒有退休年齡。頭幾年會係最難過的,你比同年的同學遲兩年才畢業,揾錢時間比人少,起身點也未必比同學好,但一定餓你唔死。
請問一下,要是我chem不太好,讀中醫會很困難嗎?
回覆刪除請問一下,要是我chem不太好,讀中醫會很困難嗎?
回覆刪除